【#尼個星期重頭戲唔見血唔收狗口】


#尼個星期重頭戲唔見血唔收狗口

歐聯分組已抽簽完畢。32路歐洲頂級球會即將展開一場激烈的廝殺。大家最關心的莫過於邊個不好彩會分到與上屆冠軍利物浦同組?

意甲拿玻利、奧地利豪門薩爾斯堡、比利時勁旅亨克十分之唔好彩,竟然同6屆冠軍利物浦同組。

正所謂逆來順受,相信佢地主帥已開始研究如何擊敗利記, 砌底利物浦為目標,利記會唔會大意失荊州呢?關於歐聯,如果有機會再同大家詳談。

講番英超,尼個星期重頭戲肯定係兩只喪家之犬阿仙奴狗咬狗熱刺!每次呢兩隊倫敦球會打吡都充滿火藥味,唔見血唔收狗口!

不過,熱刺而家上下唔齊心,主將 Christian Eriksen 和 Jan Vertonghen 早有離心不過俾主帥 Pochettino 出招撳住。Pochettino 又係衰嘅,留咗人又玩嘢唔俾人踢正選,大玩心裡遊戲。

結果就係自食其苦果,上一場被2連敗的牛加水完敗!孟波上一場就係俾Pochettino 嘅任性陰9咗!如果熱刺嘅內憂未拆掂,阿仙奴今次可以趁火打劫!

若然面對阿仙奴嘅黑風雙煞 Aubameyang 同 Lacazette,普帥都仲係要一意孤行唔放穩陣嘅 Jan Vertonghen 而用番每次防守時三魂唔見七魄嘅 Davinson Sanchez,阿仙奴肯定唔放過咁好嘅機會,實攻爆熱刺龍門。

曼聯方面,蘇B招牌進攻足球未夠睇頭,今仗做客修咸頓未必可全身而退。蘇B一向器重嘅後生仔 Jesse Lingard 近幾場豪無表現只交出小學雞水平,蘇B終於忍無可忍係上一場56分鐘時將佢換下,由年僅17歲嘅 Mason Greenwood頂上。

至於個位“智利山神”變咗“智利瘟神”嘅Alexis Sanchez 已經成功送去而家好有米嘅國米,Juan Mata 終於守得雲開見月明,有望迎來今季首次正選。

利物浦係一個仲唔穩定嘅情況之下要面對般尼嘅挑機。利記嘅不安因素,係高帥仲未搞掂佢嘅最佳中場組合 + 老臨龍門 Adrian 表現時好時壞。

也許高帥神奇嘅地方就係中場因應敵手而做出變化,但係無一個穩定嘅組合,唔多唔小會影響球員們的默契同心態。今仗面對般尼鐵一般嘅4人中場,利記防線應該有啲麻煩,但靠利記讓人聞風喪膽嘅進攻三叉戟,預計利物浦呢場可以勝出但係難啃!

心水推介:AC米蘭 -1

是但噏當秘笈— 孟波

=========== 逢周六免費足球報:https://bit.ly/30Toory ⚽ 【皮肤紧致光滑】样貌身材都属于天使级别 ⚽【是但噏當秘笈】完整版📰

Featured Posts
Posts Are Coming Soon
Stay tuned...
Recent Posts
Archive
Search By Tags
Follow Us
  • Facebook Basic Square
  • Twitter Basic Square
  • Google+ Basic Square

Copyright © 2014-2020 DAVIDWESTBETADVISOR.COM. All rights reserved.

本頁內容乃 DAVIDWESTBETADVISOR.COM 所提供或獲授權刊登。未經 DAVIDWESTBETADVISOR.COM 書面許可,不得複製或轉載於任何媒體。

Unit 03, Zone B, 3/F, Tontex Industrial Building, · 2 Sheung Hei Street, San Po Kong, · Kowloon · Hong Kong 

友情鏈接

友情链接:(联系davidwestbetadvisor@gmail.com)