【#西班牙王子職業生涯嘅最後一戰】


#西班牙王子職業生涯嘅最後一戰

孟波寫呢篇稿時係星期五,係一代西班牙王子—Fernando Torres 職業生涯嘅最後一戰。佢而家係日聯嘅鳥棲砂岩挖金,而今日嘅對手神戶勝利船,係擁有曾經同 Feenando Torres 系國家隊出生入死嘅老友 Andres Iniesta 和 David Villa。

老隊友們非常重視佢呢場告別賽,話一定會全力以赴以表尊重咁話。結果係鳥棲砂岩被神戶勝利船狂炒6比1兼 Torres 冇波入。

Andres Iniesta 果然係夠老友!曾經叱吒風雲,奪冠無數嘅西班牙王子就咁踢完佢退役一戰喇,的確係帶少少遺憾, 唏噓不已。

英超今個星期重頭戲當然係榜首利物浦硬碰老二阿仙奴!阿仙奴今次開季唔錯,頭兩戰都係小勝對手1球,分別係般尼和牛加水,難度不大。

今次做客出戰新科歐聯冠軍利物浦,阿仙奴主帥調兵遣將嘅功力可謂至關重大。阿仙奴最近3戰做客呢個球場都係以3-1, 4-0, 5-1大比數敗走。

今時今日,阿仙奴攻擊線可以話係無有怕世間上任何一隊,但係後防線人盡可夫。由新加盟的大將 David Luiz 率領嘅後防線會唔會令人刮目相看?

曼城上一次做客般尼茅夫,悶遇擺大巴戰術嘅般尼茅夫,僅僅由 Riyad Mahrez 僥倖地射入唯一一球。

相信曼城今次無論如何,都要攻下呢架大巴士般尼茅夫,事關上一場同熱刺打和之後,佢地急於重新回到勝利嘅軌道,為稱霸英超嘅千秋大業打穩基石。

熱刺則在主場迎戰2戰2敗嘅牛加水。牛加水由新帥 Steve Bruce 領軍,佢似乎到咗呢一刻仍然未能夠收服一眾 Rafa Benitez 舊將。

咁又難怪佢嘅,Steve Bruce 可以話係牛加水老細為咗慳錢而臨時臨急搵返嚟頂檔嘅領隊,話明縮骨,梗系又冇開水喉俾人招兵買馬啦。

不夠過,阿 Bruce 好識做,話佢可以帶領牛加水係為咗了佢多年嘅心願喔!所以佢就平平哋咪接咗單 job 當係益個孤寒老細咁話。

今場硬戰熱刺,阿 Bruce 哥到底可唔可以證明俾球迷睇佢係一個好領隊?定係3連敗陀衰家?

曼聯對水晶宮呢場波,老老實實,而家呢兩隊波嘅打法真係悶到抽筋。水晶宮由鶴神領軍,曼聯依然係由蘇B帶領。鶴神啲波,英超開波到而家,仲未入過波,講多嘥氣。

而蘇B,雖然佢當球員時候絕大多數都係金牌殺手,殺對手於末時,置對手於無翻身之地。但係而家佢“帥威”唔夠力,對球員太過鬆懈,導致軍中一啲明星球員豪無紀律。

上一仗 Pogba 爭住踢12碼又射失就係咁解。呢場波值得一提嘅係舊隊友 Aaron Wan-Bissaka 同 Wilfred Zaha 打對台。

呢 pair 昔日戰友,一個就得償所願轉入咗豪門球會,一個想走又走唔到,會擦出乜野火花?

車仔到訪現在有前鋒 Teemu Pukki 入波入到火紅火綠嘅諾域治。上季在英冠怒入29球,來到英超依然可以2戰入4球,呢條fit馬 Pukki 認真唔系開玩笑。

車仔傳奇人物 Lampard 領軍嘅球隊,開賽至今還未取得首勝兼場場有失球,如今面對積極取分,貫徹進攻足球精髓的諾域治,未必可以全身而退。

好消息係 Antonio Rudiger 傷愈歸隊,大可能取代 Kurt Zouma 成為先發。Zouma 表現未達標,睇佢在車仔對壘曼聯與李城時一直俾對手長驅直入就知。Lampard 想取得勝利的突破,需要花啲心思 拆掂如何制止 Teemu Pukki 喇。

心水推介:熱刺 -1.5

是但噏當秘笈— 孟波

=========== 逢周六免費足球報:https://bit.ly/30vKxfc ⚽ 【#泰国 KAPKAPKAP】 「胸」器迷死人 ⚽【是但噏當秘笈】完整版📰

Featured Posts
Posts Are Coming Soon
Stay tuned...
Recent Posts
Archive
Search By Tags
Follow Us
  • Facebook Basic Square
  • Twitter Basic Square
  • Google+ Basic Square

Copyright © 2014-2020 DAVIDWESTBETADVISOR.COM. All rights reserved.

本頁內容乃 DAVIDWESTBETADVISOR.COM 所提供或獲授權刊登。未經 DAVIDWESTBETADVISOR.COM 書面許可,不得複製或轉載於任何媒體。

Unit 03, Zone B, 3/F, Tontex Industrial Building, · 2 Sheung Hei Street, San Po Kong, · Kowloon · Hong Kong 

友情鏈接

友情链接:(联系davidwestbetadvisor@gmail.com)